Historiku

Shoqata e Ushqimit dhe Mirëqenies (SHUM) është nje organizatë jo-qeveritare, jo-fitimprurëse e pavarur, apolitike e cila e shtrinë veprimtarinë e saj në të gjithë territorin e Republikës së Shqipërisë. Shoqata është themeluar bazuar në kuadrin ligjor ekzistues për regjistrimin e organizatave jo-fitimprurëse dhe është regjistruar pranë Gjykatës së Rrethit Gjyqësor Tiranë me vendim nr.3988, datë 03.10.2014. 

Aktualisht në këtë shoqatë janë të regjistruar afërsisht 250 anëtarë me pjesëmarrje aktive.  Krijimi i Shoqatës së Ushqimit dhe Mirëqënies lindi si përgjigje e nevojës së vazhdueshme për standarte të përmirësuara në industrinë e shërbimeve ushqimore dhe mikëpritjes. Kontributin kryesor Shoqata e jep duke ofruar: konsulencë dhe asistencë për anëtarët e saj, kurse profesionale në sektorin e ushqimit dhe mikëpritjes për profesionistët e ardhshëm, promovim dhe avancim të marrëdhënieve midis anëtarëve, bashkëpunim me partnerë vendas dhe të huaj për formim profesional si dhe për projekte punësimi etj.

Struktura organizative e Shoqatës përbëhet nga:

• Asambleja e Përgjithshme
• Këshilli Drejtues
• Kryetari
• Sekretari i Përgjithshëm
• Degët e Shoqatës
• Kryetari i Nderit
• Këshilli Konsultativ Akademik
• Anëtarët

Në vitin 2016 SHUM themeloi shoqatën simotër “Albanian Chefs & Cooks Association” e cila tashmë është pjesë e “WORLDCHEFS” (Organizata Botërore e Shefave të Kuzhinës).